نئی دہلی (نیو زڈیسک)پاکستان کی جیت بھارت سے برداشت نہ ہوسکی،سیف گیمز میں بھارتی تعصب کھل کر سامنے آگیا،بھارتی حکومت نے سیف گیمز میں شرکت کیلئے 15پاکستانی ایتھلیٹس اور آفیشلز کو کلیئرنس دینے سے انکار کر دیا ۔میڈیا رپورٹس کے مطابق بھارتی حکومت نے ایک بار پھر تعصب کا مظاہرہ کرتے ہوئے سیف گیمز میں شرکت کیلئے 15پاکستانی ایتھلیٹس اور آفیشلز کو کلیئرنس دینے سے انکار کر دیا ہے۔بھارت نے کلیئرنس نہ دینے کی وجوہات بھی بتانے سے انکار کردیا۔پی او اے کا کہنا ہے کہ وجوہات بتائے بغیر کلیئر نس نہ دینا ضابطے کی خلاف ورزی ہے ۔کلیئرنس نہ ملنے والے ایتھلیٹس اور آفیشلز میں عمران خان، سمیع اللہ، مریم ، محمد عمران، جاوید اقبال، غالیہ محسن، صابر، عبدالرحمان، اصغر گل، سلیم، اقبال حسین، ادریس مجید، بشیر، ظفر اقبال، نثار احمد شامل ہیں۔