ہیملٹن(نیوز ڈیسک)نیوزی لیںڈ کے خلاف تیسرے اور فیصلہ کن میچ میں آسٹریلوی آل راونڈر مچل مارش کے آوٹ پر تنازع کھڑا ہو گیا کینگروز اس پر چراغ پا ہو گئے ،فیلڈ امپائرز بڑی اسکرین کی مدد سے فیصلہ کرنے کے الزام کی زد میں آگئے، آسٹریلوی کپتان اسٹیون اسمتھ نے کہا کہ ہمیں فیصلے نہیں اس کے طریقہ کار پر اعتراض ہے، کیوی قائد میک کولم نے کہا کہ ہمارے کھلاڑیوں نے باقاعدہ اپیل کی تھی، آفیشلز کے طریقہ کار سے متفق نہیں ہوں۔تفصیلات کے مطابق247رنز کے تعاقب میں153پر5وکٹیں گرنے کے باوجود آسٹریلوی امیدیں مچل مارش کی صورت میں برقرار تھیں، مگر وہ حیران کن حالات میں اپنی وکٹ گنوا بیٹھے ، میٹ ہینری نے مارش کے خلاف اسٹریٹ ڈلیوری پر گیند واپس اپنے ہاتھ میں آنے پر سمجھا کہ وہ بیٹسمین کے جوتے سے ٹکرا کر آئی ہے، اس لیے رسمی طور پر کیچ کی اپیل کی۔جس پر فیلڈ امپائر ای این گولڈ نے اسکرین پرری پلے دیکھنے کے بعد ساتھی ا?فیشل سے مشاورت کے بعد تھرڈ امپائر سے رجوع کیا،ری پلیز سے ظاہر ہوا کہ گیند جوتے سے ٹکرانے کے بعد بیٹ کا کنارہ چھوتی ہوئی ہینری کے ہاتھوں میں واپس آئی، جس پر انھیں آوٹ قرار دیا گیا۔آسٹریلوی کپتان اسٹیون اسمتھ نے کہا کہ کیویز کی جانب سے اپیل کی ہی نہیں گئی تھی، اگر چہ مارش آوٹ تھے مگر اس کے لئے جو طریقہ کا ر اختیار کیا گیا وہ غلط ہے۔ کیوی کپتان میک کولم نے کہا کہ ہمارے چند پلیئرز نے اپیل کی تھی تاہم طریقہ کار درست نہیں تھا، بڑی اسکرین پر دیکھ کر فیصلے نہیں کیے جا سکتے