کراچی(نیوزڈیسک)پاکستان سپر لیگ کے آغاز سے ایک روز قبل ٹیم کوئٹہ گلیڈیئٹرز کو شدید دھچکا لگا ہے، ٹیم کے دو اہم کھلاڑی سری لنکا کے تھسارا پریرا اور انگلینڈ کے جیڈ ڈیرن بیک دستبردار ہوگئے ہیں۔ٹیم کوئٹہ کی انتظامیہ نےتصدیق کی ہے کہ سری لنکن کرکٹر زتھسارا پریرا کو ان کے بورڈ نے بھارت کیخلاف سیریز کی وجہ سے پی ایس ایل کے لئے ریلیز نہیں کیا، جبکہ ڈیرن بیک کو کمر کی تکلیف ہوگئی ہے۔ تھسارا پریرا کی جگہ سپلیمنٹری کیٹیگری میں شامل کمار سنگاکارا کو اسکواڈ میں شامل کیا گیا ہے جو ماسٹر لیگ کے فوری بعدکوئٹہ گلیڈیئٹرکو دستیاب ہوں گے جبکہ ڈیرن بیک کے متبادل کھلاڑی کا اعلان جلد کردیا جائے گا۔