واشنگٹن(نیوز ڈیسک)امریکی صدارتی انتخاب میں ری پبلکن پارٹی کے نمایاں ارب پتی امیدوار ڈونلڈ ٹرمپ کے ٹوئٹر پر فالورز کی تعداد 60 لاکھ سے تجاوز کر گئی ہے جبکہ ٹرمپ دوسروں کی ’پیروی‘ کرنے کے حوالے سے بڑا محتاط رویہ رکھتے ہیں اور ابھی تک ان کے اکا?نٹ سے صرف 50 افراد کو فالو کیا گیا ہے۔ ٹرمپ کے مخالف سینیٹر ٹیڈ کروز ٹوئٹر پر چودہ ہزار افراد کو فالو کر رہے ہیں جبکہ ان کے فالورز کی تعداد ساڑھے سات لاکھ ہے۔ مجموعی طور پر ٹرمپ کے فالورز کی تعداد ری پبلکن اور ڈیموکریٹک پارٹی کے تمام امیدواروں سے زیادہ ہے۔ کچھ ری پبلکن امیدوار ایک دوسرے کو فالو کر رہے ہیں مگر ٹرمپ کسی امیدوار کو فالو نہیںکررہے ہیں ۔