آگرہ(نیوز ڈیسک) بھارتی ریاست اترپردیش کے اورائی کوتوالی کے علاقے میں بجرنگ دل کے غنڈوں نے تین ہندووں کو عیسائی بنانے اور انہیں گائے کا گوشت کھلانے کا الزام لگاتے ہوئے ایک عیسائی کا سر اور بھنویں مونڈ دیں، اسے جوتوں کا ہار پہنا کر گلیوں کے چکر لگواتے رہے۔ اس دوران اسے تشدد کا نشانہ بھی بنایا گیا۔ بعدازاں پولیس اہلکاروں نے پہنچ کر عیسائی کو غنڈوں کے نرغے سے نکالا۔ بجرنگ دل کے کارکنوں کا کہنا تھا کہ ہندووں کو ان کے مرضی کے خلاف گائے کا گوشت کھلایا گیا جبکہ دیوی، دیوتاوں کی تصاویر بھی زمین پر پھینکی گئیں۔