ممبئی(نیو ز ڈیسک)بالی ووڈ معروف اداکار اکشے کمار نے کہا ہے کہ عامر خان کو ایسے بولڈ بیانات نہیں دینے چاہیئے جس پر بعد میں معافی مانگنی پڑے۔ان خیالات کا اظہار انہوں نے گزشتہ روز اپنے ایک انٹر ویو میں کیا۔اداکار اکشے کمار کا کہنا تھا کہ ایسے چھوٹے موٹے واقعات ہر ملک میں ہوتے ہیں لیکن اس کا مطلب یہ نہیں کے ملک کے خلاف بیانات دیئے جائیں۔انہوں نے مزید کہا کہ ملک میں بہت سی اچھی چیزیں بھی ہوتی ہیں جن کے بار ے میں ہم بات نہیں کرتے کیونکہ بدقسمتی سے ہماری عادت بن چکی ہے کہ ہم صرف غلط چیزوں کو سامنے لاتے ہیں۔