ولنگٹن(نیوزڈیسک)محمدعامرنے واپسی کے بعد پہلے ہی ون ڈے میں چونکادیا،ٹاس جیت کر پاکستان کی جانب سے پہلے باﺅلنگ کرانے کے فیصلے کے بعد محمد عامر نے پہلا اوور کرایا اور عرصے بعد پہلے ون ڈے میں پہلی ہی گیند وائڈ بال کرائی لیکن اس کے بعد نپی تلی بالنگ کرواتے ہوئے نیوزی لینڈ کے کھلاڑیوں کو خوب پریشان کیا، پانچویں اوور کی دوسری گیند پر نیوزی لینڈ کے اوپنر ٹام لیتھم محمد عامر کی گیند پر سرفراز احمد کا نشانہ بنے، جبکہ بیسویں اوور کی چوتھی گیند پر نیوزی لینڈ کے بیٹسمین کورے اینڈرسن جن کے عزائم کافی خطرناک نظر آرہے تھے وہ بھی محمد عامر کی بالنگ کی تاب نہ لاسکے اور سرفراز احمد کے ہاتھوں کیچ آﺅٹ ہوگئے، محمد عامر نے یہاں ہی بس نہیں کی بلکہ بائیسویں اوور کی پہلی ہی گیند پر لوک رونچی کو بھی وکٹوں کے پیچھے سرفراز احمد کو کیچ دینے پر مجبور کردیا، محمد عامر نے پہلے ہی ون ڈے میں تین وکٹیں حاصل کرکے دھماکہ خیز انٹری سے شائقین کرکٹ کو چونکادیا۔