سڈنی(نیوزڈیسک) ہندوستان آخری ایک روزہ میچ میں آسٹریلیا کو6 وکٹوں سے شکست دے کر سیریز میں وائٹ واش سے بچنے میں کامیاب ہوگیا۔سڈنی میں کھیلے گئے میچ میں ہندوستان نے ٹاس جیت کر میزبان آسٹریلیا کو پہلے بیٹنگ کی دعوت دی۔آسٹریلیا کی ٹیم نے پہلے کھیلتے ہوئے مقررہ 50 اوورز میں 7 وکٹوں کے نقصان پر 330 رنز بنائے۔ڈیوڈ وارنر نے 122 اور مچل مارش نے 102 رنز بنائے جبکہ میتھیو ویڈ 36 رنز بنا کر نمایاں رہے۔ہندوستان کی جانب سے اشانت شرما اوراپنا پہلا میچ کھیلنے والے نوجوان باؤلر جسپریت بمرا نے دو، دو وکٹیں حاصل کیں۔331 رنز کا ہدف ہندوستان ٹیم نے منیش پانڈے کے 104 اور روہیت شرما کے 99 رنز کے بدولت میچ کے اختتام سے دوگیندیں قبل حاصل کرلیا۔
شیکھر دھون 78 اور کپتان دھونی 34 رنز بنا کر دیگر نمایاں بلے باز رہے۔منیش پانڈے کو شاندار سنچری پر میچ کا بہترین کھلاڑی قرار دیا گیا۔آسٹریلیا نے سیریز 4-1 سے جیت لی، ہندوستان کے روہیت شرما کو پوری سیریز میں شانداربلے بازی پر سیریز کے بہترین کھلاڑی کا ایوارڈ دیا گیا۔