وِلٹ شائر (نیوز ڈیسک) دنیا کے مطلوب ترین مجرموں میں سے ایک کو بالاخر 8 سالوں بعد گرفتار کیا جا چکا ہے۔غیر ملکی خبر رساں ادارے کے مطابق پیوتر کیوپک پولینڈ پولیس کو تشدد، اقدام قتل اور قتل جیسی سنگین ترین وارداتوں میں مطلوب تھا۔ مجرم کے بیرون ملک بھاگنے کے بعد پولینڈ کے حکام نے انٹرپول سے مدد کی درخواست کی تھی۔ پیوتر کیوپک کی گرفتاری انتہائی ڈرامائی انداز میں ہوئی۔ موصوف کو ایک مقامی ریستوران سے گرفتار کیا گیا جہاں وہ نوکری کرتا تھا۔ اس ریستوران میں روزانہ پولیس والوں کا جانا ہوتا تھا۔ پولیس نے مجرم کو گرفتار کرکے نامعلوم مقام پر منتقل کر دیا ہے۔ اطلاعات ہیں کہ تفتیش کے بعد مجرم کو انٹرپول کے ذریعے پولینڈ حکام کے حوالے کر دیا جائے گا