ممبئی(نیوز ڈیسک ) بالی ووڈعامرخان اپنی فلم لگان میں راجیش ویویک کے ساتھ اداکاری کے جوہر دکھا چکے ہیں۔میڈیا رپورٹس کے مطابق اداکار راجیش ویویک جمعرات کے روز66برس کی عمردل کو دورہ پڑنے سے انتقال کر گئے تھے۔اداکارگزشتہ دو دہائیوں سے بالی ووڈ انڈسٹری کے ساتھ منسلک تھے۔سپر سٹار کی جانب سے سماجی رابطے کی سائٹ فیس بک پر ایک پوسٹ میں سینئر اداکار کی وفات پر گہرے دکھ اور رنج کا اظہار کیا گیا۔انھوں نے اپنے پیغام میں لکھا کہ آج انھوں نے اپنی فلم ”لگان“ کے خاندان کا ایک رکن کھو دیا ہے۔واضح رہے سپر سٹارعامر خان آجکل اپنی آنے والی فلم ”دنگل“ کی شوٹنگ میں مصروف ہیں۔ نتیش ٹیواری کی دنگل میں عامر خان لدھیانہ سے تعلق رکھنے والے ماضی کے مایہ ناز پہلوان مہاویر سنگھ بھگت کے روپ میں نظر آئیں گے