نئی دہلی (نیوز ڈیسک) بالی ووڈ سپر سٹار سلمان خان کی راکھی سسٹر شویتا روہیرا کا شوہر اداکار پلکت سمراٹ آ جکل اپنی نئی گرل فرینڈ یامی گوتم کی محبت میں گرفتار ہونے کے بعد شادی کی تیاریوں میں مصروف ہے، گزشتہ رپورٹس کے مطابق پلکت نے سلمان خان کے سمجھانے پر یامی گوتم سے کنارہ کشی اختیار کرلی تھی لیکن تازہ میڈیا رپورٹس کے مطابق پلکت اور یامی صرف نئی آنیوالی فلم صنم رے کی تشہیر کی وجہ سے ایک دوسرے سے دور ہوئے ہیں۔حال ہی میں صحافیوں کی جانب سے ایک تقریب کے دوران جوڑی سے ان کے تعلقات کے متعلق سوالات کئے گئے تھے جس کے بعد دونوں ایک ساتھ میڈیا کے سامنے آنے سے گریزاں ہیں۔