لاہور (نیو زڈیسک) اداکارہ وگلوکارہ بشری انصاری نے کہا ہے کہ بچپن میں گڑیوں سے کھیلا کرتی تھی، گڈی اور گڈے کی شادی کرنامیرا شوق تھا، بچپن کی خوبصورت یادیں آج بھی میرے ذہن میں محفوظ ہیں۔ ایک انٹرویو میں بشری انصاری نے کہا کہ فنکار کبھی بوڑھا نہیں ہوتا ، آج بھی خود کو جوان اور تروزتازہ محسوس کرتی ہوں، انہوں نے کہا کہ گلوکاری میرا جنون ہے، گلوکاری کے بغیر خود کوادھورا محسوس کرتی ہوں، اپنے کیریئر کے دوران ہر طرح کے کردار ادا کئے ہیں ، اگر فنکار صلاحیتوں کا مالک ہو تو کامیابی اس کے قدم چومتی ہے ، ایک سوال کے جواب میں انہوں نے کہا کہ سفارشی انسان زندگی میں کبھی کامیاب نہیں ہوتا۔