ممبئی (نیوزڈیسک) بالی ووڈ فلمساز ابھیشک کپور نے کہا ہے کہ کترینہ کیف نے فلم فتور میں مرکزی کردار کیلئے خود آ کر مجھ سے درخواست کی تھی۔ ایک انٹرویو میں ابھیشک کپور نے کہا کہ فلم کے متعلق سننے کے بعد ایک روز اچانک کترینہ کیف میرے پاس آئی اور بتایا کہ وہ سکول کے زمانے سے یہ کہانی پڑھ چکی ہیں اور ان کی خواہش ہے کہ وہ اس فلم میں اداکاری کریں ۔ انہوں نے بتایا کہ چونکہ ابھی میں نے فلم کی کاسٹ فائنل نہیں کی تھی لہٰذا کترینہ کے متعلق غور شروع کردیا، ابھیشک نے کہا کہ میں نے کترینہ کی خوبصورتی کو دیکھتے ہوئے مذکورہ کردار کیلئے انہیں فائنل کیں کیونکہ ان کا حسن فردوس کے کردار پر پورا اترتا تھا۔ کترینہ کیف کی فتور رواں سال 12 فروری کو ملک بھر کے سینماء گھروں میں نمائش کیلئے پیش کی جائیگی۔