نئی دہلی (نیوزڈیسک)بھارت میں انتہا پسند ہندو جماعتیں دونوں ممالک کے درمیان بہتر ہوتے تعلقات کو خراب کرنے کےلئے سرگرم ہو گئی ہیں۔ بھارتی میڈیا کے مطابق پی آئی اے کے دفتر پر حملے میں ملوث ایک شخص کو گرفتار کر لیا گیا للیت سنگھ نامی یہ ملزم ہندو سینا کا کارکن ہے باقی تین ملزموں کی تلاش شروع کر دی گئی ہندو سینا کے ان انتہا پسندوں نے پی آئی کے آفس میں پمفلٹ بھی پھینکے جس میں مستقبل میں لاہور بس سروس اور سمجھوتہ ایکسپر یس کو روکنے کی دھمکی دی ہے۔ ادھر پاکستانی ہائی کمیشن نے بھارت سے واقعے کا نوٹس لیتے ہوئے نئی دہلی اور ممبئی میں پی آئی اے کے دفاتر میں سیکورٹی بڑھانے کا مطالبہ کیا ہے۔ واضح رہے گزشتہ روز ہندو سینا کے شرپسندوں نے نئی دلی میں پی آئی اے کے دفتر پر حملہ کر کے توڑ پھوڑ کی ۔ پمفلٹ پھینکے اور اسٹاف پر تشدد کیا،ہندو سینا نے اپنے کارکن کی گرفتاری پر شدید ردعمل کا اظہار کیا ہے اور احتجاجی مظاہرے شروع کردیئے ہیں۔