ممبئی(نیوز ڈیسک) بالی ووڈ کی باربی ڈول کترینہ کیف نے اپنے گہرے دوست رنبیر کپور کے بارے میں کہا ہے کہ وہ بھارت کے بہترین اداکاروں میں سے ایک ہیں۔بھارتی میڈیا رپورٹس کے مطابق بالی ووڈ کی باربی ڈول کترینہ کیف اور ان کے گہرے دوست رنبیر کپور خبروں کی زینت بنے ہی رہتے ہیں اوراب اداکارہ نے ان کے قصیدے بھی پڑھنا شروع کردیئے ہیں۔ اداکارہ سے جب اداکارسنجے دت کی زندگی پربننے والی فلم میں رنبیر کے مرکزی کردارکے حوالے سے پوچھا گیا تو انہوں نے خوشی کا اظہار کرتے ہوئے کہا کہ انہیں نہیں لگتا کہ وہ اتنے مشکل سوالات کا با آسانی جواب دے سکتی ہیں لیکن وہ یہ ضرور کہہ سکتی ہیں کہ رنبیر بھارت کے بہترین اداکاروں میں سے ایک اداکار ہیں اور وہ کوئی بھی کرداربا آسانی کرسکتے ہیں۔