نئی دہلی (نیوز ڈیسک)بھارتی جریدے ایکسلٹرکے مطابق پٹھان کوٹ ائیربیس میں مسلح حملہ آورکارروائی شروع کرنے سے 24گھنٹے پہلے ائیربیس کے اندرگھس چکے تھے ۔غیرملکی خبررساں ایجنسی رپورٹ میں کہاگیاہے کہ بھارتی جریدے ایکسلیٹرسے بات کرتے ہوئے قومی تفتیشی ایجنسی کے ایک اعلیٰ افسرنے بتایاہے کہ پٹھان کوٹ ائیربیس کاحفاظتی عملہ برسوں سے مال بنانے میں مصروف تھا۔دوسری جانب انڈیشن ایکسپریس نے بھی اپنی رپورٹ میں تفتیشی ذرائع کے حوالے سے انکشاف کیاہے کہ پٹھان کوٹ ائیربیس کے سیکورٹی معاملات صفرتھے ،رپورٹ کایہ بھی کہناہے کہ حملہ آورکارروائی کرنے سے 24گھنٹے پہلے ائیربیس کے اندرگھس چکے تھے ۔انہوں نے اپنااسلحہ نامعلوم مقام پرڈمپ کرکے ملٹری انجینئرنگ سروس شیڈزمیں کھاناکھایااورآرام کیابعدازاں مقررہ وقت پرکارروائیاں شروع کردیں۔