بیجنگ (نیوزڈیسک) چین نے اپنی عسکری طاقت میں اضافے کےلئے فوج میں تین نئے یونٹس کا اضافہ کردیا۔ میڈیا رپورٹ کے مطابق صدر شی جن پنگ نے جنرل کمانڈ، میزائل فورس اور سٹرٹیجک سپورٹ کے کمانڈروں کو فوجی پرچم دےکر نئے یونٹس کا افتتاح کیا۔چینی دارالحکومت بیجنگ میں فوجی یونٹوں کے افتتاح کی شاندار تقریب منعقد ہوئی جس میں چینی صدر شی جن پنگ، اعلی عسکری و سول قیادت نے شرکت کی۔ چین کے سنٹرل ملٹری کمیشن کے سربراہ اور صدر شی چن پنگ نے فوج کے نئے یونٹوں کے کمانڈروں کو فوجی پرچم دے کر ان کا باقاعدہ افتتاح کیا۔ چینی صدر نے کہا کہ عسکری طاقت میں اضافہ کرکے چین کو عظیم تر بنانے کا خواب پورا کیا جائےگا۔ اگلے مرحلے میں فوج کو جدید سازوسامان اور اسلحے سے لیس کیا جائےگا۔