نیویارک(نیوزڈیسک)سابق امریکی وزیر خارجہ ہیلری کلنٹن کو بھیجی گئی ایک ای میل میں انکشاف کیا گیا ہے کہ چین کی جانب سے گوادر میں نیوی اسٹیشن بنانے کے امکانات بہت کم ہیں۔امریکی محکمہ خارجہ کے سابق ڈائریکٹر آف پالیسی پلاننگ کی جانب سے ہیلری کلنٹن کو بھیجی گئی ایک ای میل میں لکھا گیا کہ گوادر پورٹ کے حوالے سے چین کی دلچسپی سے متعلق شدت کے ساتھ باتیں کی جا رہی ہیں تاہم مستقبل قریب میں چین کاگوادر میں ایک بڑا نیوی اسٹیشن بنانے کے امکانات بہت کم ہیں تاہم اس معاملے پر پاکستان اور چین کے درمیان حالیہ سفارت کاری کافی دلچسپ ہے۔