غازی آباد(نیوز ڈیسک) انڈر ورلڈ ڈون داود ابراہیم کی گاڑی جلانے والے سوامی چکراپانی نے کہا ہے کہ انہیں انڈر ورلڈ کی جانب سے قتل کی دھمکیاں مل رہی ہیں۔ انہوں نے بتایا کہ کچھ نامعلوم فون نمبرز نے کالز اور ایس ایم ایس موصول ہورہے ہیں جس میں کہا جا رہا ہے کہ جس طرح تم نے گاڑی جلائی ویسے ہی تمہیں جلا دیا جائے گا۔سوامی کا مزید کہنا تھا کہ انہوں نے وزیر داخلہ راجناتھ سنگھ سے ملاقات کرکے دھمکیوں سے آگاہ کیا ہے اور وزیر داخلہ نے سکیورٹی کی پیش کش کی ہے۔ واضح رہے سوامی چکراپانی کا تعلق اکھل بھارت ہندو محاسبہ سے ہے انہوں نے ایک بولی میں گاڑی 32 ہزار کے عوض خریدی تھی۔