سان جوزی(نیوزڈیسک) وسطی امریکی ملک کو سٹاریکا کے حکام نے مویشیوں کی بار برداری کیلئے استعمال ہونے والے ایک ٹرک سے 51غیر ملکی تارکین وطن کو بازیاب کرالیا۔ غیر ملکی میڈیا کے مطابق ان تارکین وطن کے پاس ملک میں داخل ہونے کیلئے درکار ویزے موجود نہیں اور ان کا تعلق نیپال ، بنگلہ دیش ، صومالیہ ، اریٹیرا اور عراق سے ہے ¾ پولیس کے مطابق ٹرک کے ڈرائیور اور اس کے ساتھیوں کو حراست میں لے لیا گیا ہے اور انسانی سمگلنگ کا الزام ثابت ہونے پر ان کو دو سے چھ سال تک قید کی سزائیں ہوسکتی ہیں۔ کوسٹ ریکا کی پبلک سیکیورٹی کی وزارت کے عہدیدار کارلوس ہڈالگو کا کہنا ہے کہ بازیاب کرائے گئے غیر ملکی تارکین وطن کی حالت نہایت خراب تھی اور ان کو جانوروں کی طرح ٹرک میں ٹھونسا گیا تھا۔ ان لوگوں کو پانامہ کی سرحد سے کوسٹاریکا میںلایا گیا تھا اور تارکین وطن کے مطابق انہوں نے انسانی سمگلروں کو 4ہزار سے15ہزار ڈالر فی کس کے حساب سے ادائیگی کی تھی۔ بازیاب کرائے گئے تارکین وطن میں سے 26کا تعلق نیپال، 9کا بنگلہ دیش، 9کا صومالیہ ،4کا اریٹیریا اور 2کا عراق سے تھا۔ گمنام افراد کو محکمہ امیگریشن کے حکام کے حوالے کر دیا گیا ہے ۔