لاہور(نیوز ڈیسک)پاکستان کرکٹ بورڈ یاسر شاہ کے مثبت ڈوپ ٹیسٹ کے خلاف اپیل کرےگا حتمی فیصلہ آئی سی سی کی جانب چند سوالوں کے جواب موصول ہونے کے بعد کیا جائےگا۔ذرائع کے مطابق پی سی بی کو آئی سی سی کی جانب سے کئی صفحات پر مشتمل رپورٹ تو موصول ہو گئی ہے تاہم اس میں کئی پہلوﺅں کی وضاحت درکار ہے اس سلسلے میںآئی سی سی سے رابطہ بھی کیا جا چکا ہے جواب موصول ہونے کے بعد مستقبل کا لائحہ عمل تیار کیا جائےگا۔ذرائع کے مطابق رپورٹ میں ممنوعہ دوا کی مقدار ظاہر نہیں کی گئی ¾ پی سی بی مقدار کی بنیاد پر کیس تیار کرے گا۔ اگر مقدار کم ہوئی اور یاسر شاہ نےاپنی لاپرواہی تسلیم کی تو امکان ہے کہ انہیں کم سے کم سزا کا سامنا کرنا پڑے۔