لاہور(نیوزڈیسک) پاکستان کرکٹ ٹیم کے اہم بلے بازحارث سہیل کا دبئی میں گھٹنے کا کامیاب آپریشن ہونے کے بعد ان کے فٹ ہونے اور ری ہیبلی ٹیشن کے لئے دو سے تین ماہ کا وقت درکار ہوگا۔ ورلڈ کپ 2015کے بعد سے بائیں ہاتھ کے مڈل آرڈر بیٹسمین حارث سہیل گھٹنے کی تکلیف میں مبتلا ہوئے تھے۔ایک نجی ٹی وی چینل کے مطابق حارث سہیل ایک ہفتہ ہسپتال میں گذاریں گے۔ 26 سالہ حارث سہیل نے پاکستانی ٹیم کی طرف سے اب تک 22 22 ون ڈے اور 4 ٹی ٹونٹی انٹرنیشنل میچ کھیلے ہیں۔ ابھی تک ڈاکٹروں نے انہیں کھیلنے کی اجازت نہیں دی ہے ۔