اسلام آباد(ویبڈیسک) لاہور قلندر ٹیم کے مالک رانا فواد نے کہا ہے کہ کپتان کا فیصلہ میڈیا اور شائقین کی مشاورت سے کیا جائے گا۔ لاہور قلندر بہت متوازن ٹیم ہے ،ٹیم میں گیل،براوو اورصہیب مقصودجیسے ٹی20 سپیشلسٹ ہیں۔اس موقع پرکوچ لاہور قلندراعجاز احمد کا کہنا تھا کہ پی ایس ایل میں کھلاڑیوں کو دباﺅ میں کھیلنے کا تجربہ حاصل ہوگا اور دلچسپ مقابلے دیکھنے کو ملیں گے۔کپتان ون ڈے ٹیم اظہرعلی نے میڈیا سے گفتگو کرتے ہوئے کہا کہ پاکستان میں بھی جلد انٹرنیشنل کرکٹ بحال ہوگی، پاکستان سپر لیگ کا انعقاد خوش آئند ہے۔