نئی دہلی(نیوزڈیسک) بھارتی اپوزیشن رہنماوں نے وزیر اعظم مودی کے دورہ پاکستان پر کڑی تنقید کرنے شروع کر دی ،ملک کی اہم اپوزیشن پارٹی کانگریس نے وزیر اعظم نریندر مودی کے دورہ پاکستان پرتنقید کرتے ہوئے کہا کہ مودی کے دورہ پاکستان کا پروگرام پہلے سے طے تھا،بھارتی ٹی وی کے مطابق نئی دہلی میں ایک پریس کانفرنس میں پارٹی کے ترجمان آنند شرما نے کہا کہ ہمارے پاس پہلے سے یہ معلومات تھی کہ مودی پاکستان جا رہے ہیں، کانگریس لیڈر آنند شرما کا کہنا تھا کہ مودی کا دورہ پاکستان پہلے سے طے شدہ تھا ، ایک کاروباری آدمی اس وقت بھی پاکستان میں موجود ہیںجو ان کی یہ ملاقات کرا رہے ہیں ,بھارتی ٹی وی کے مطابق اگرچہ ” آنند شرما “نے اُس کاروباری شخصیت کا نام نہیں لیا لیکن اُن کا اشارہ جندل کی طرف ہے جو اس وقت لاہور میں ہیں۔مودی نواز کے درمیان ہونے والی پہلی دو ملاقاتوں میں بھی جندل کااہم کردار رہا ہے۔مودی کو پارلیمنٹ اور عوام کو اعتماد میں لئے بغیر پاکستان نہیں جانا چاہئے تھا ،مودی کے اس دورے سے ملک کا مذاق اڑا ہے، آج سے پہلے کسی وزیر اعظم نے اس طرح نہیں کیا۔ اُن کا کہنا تھا کہ مودی کو سمجھنا ہو گا کہ خارجہ پالیسی کوئی مذاق نہیں ہے۔ اپوزیشن راہنما ”کیسی سولٹئیر “نے بھارتی وزیر اعظم نریندر مودی کے دورہ لاہو پر کڑی تنقید کرتے ہوئے کہا ہے کہ وزیر اعظم مودی” ڈان داود ابراہیم “کا کیک کھانے پاکستان گئے تھے ہمیں وزیر اعظم سے ایسی امید نہیں تھی۔ بھارتی ٹی وی” زی نیوز “کے مطابق کیسی سولٹیئر پہلے بھی کئی مواقع پر مودی پر تنقید کرچکے ہیں۔بھارتی ٹی وی کا کہنا ہے کہ کئی ماہ بعد ہندوستان اور پاکستان کے تعلقات میں کچھ پیش رفت نظر آرہی ہے۔ مودی اورنواز شریف کی پیرس ملاقات کے بعد دونوں ممالک نے مجموعی طور بات چیت شروع کرنے کا فیصلہ کیا ہے