نئی دہلی(ویب ڈیسک) انڈر ورلڈ ڈون داود ابراہیم ہفتے کے روز اپنی 60 ویں سالگرہ پر ڈی کمپنی کے اگلے سربراہ کا اعلان کر سکتا ہے۔ سالگرہ کی تقریب کسی خفیہ مقام پر ہورہی ہے اور ابھی تک مدعو کئے گئے مہمانوں کو بھی نہیں بتایا گیا کہ تقریب کہاں ہوگی۔ ہمانوں کی ہوٹل کی بکنگ کرا دی گئی ہے اور انہیں تقریب شروع ہونے سے کچھ دیر قبل وہاں پہنچا دیا جائے گا۔ اخبار کے مطابق دہلی اور دبئی میں بھی سالگرہ کی تقریبات کا انعقاد کیا جائے گا۔ بھارتی اخبار ٹائمز آف انڈیا کے مطابق داود ابراہیم کے بھائی مستقیم، ہمایوں اور انیس ان کے ساتھ رہتے ہیں مگر مستقیم اور ہمایوں گینگ میں متحرک نہیں ہیں، اس لئے امکان ہے کہ انیس متبادل کے طور پر سامنے آئیں گے۔ اس کے علاوہ چھوٹا شکیل کو گینگ میں سی ای او کی حیثیت حاصل ہے اور ان کی یہ حیثیت برقرار رہے گا۔