لاہور(نیوز ڈیسک) چیئرمین پی سی بی شہریار خان تربیتی کیمپ میں شرکت کرنے والے سزا یافتہ فاسٹ باولر محمد عامر کا رویہ دیکھنے کے لیے خود میدان میں پہنچ گئے۔ تفصیلات کیمطابق سپاٹ فکسنگ میں 5 سال کی سزا پوری کر نے کے بعد محمد عامر قومی کرکٹ ٹیم کا یونیفارم زیب تن کر چکے ہیں لیکن کھلاڑیوں کے ان کے حوالے سے تحفظات ابھی ختم نہیں ہوئے ہیں اور قومی ٹیم کے کھلاڑی نوجوان فاسٹ باولر کے ساتھ تربیتی کیمپ میں کھنچے کھنچے رہ رہے ہیں ، چیئرمین پی سی بی شہر یار خان کیمپ میں عامر کا رویہ دریافت کرنے کے لئے خود میدان میں آ گئے اور ٹی ٹونٹی ٹیم کے کپتان شاہد آفریدی اور ہیڈ کوچ وقاریونس سے ملاقات کرکے رویے کے متعلق دریافت کیا۔