ریاض(نیوزڈیسک)سعودی عرب نے بھی شام میں فوجی کارروائی کاعندیہ دے دیا۔ سعودی عرب کے وزیر خارجہ عادل الجبیر نے کہا ہے کہ شام میں عسکری کارروائی کا آپشن موجود ہے۔ انہوں نے کہاکہ سعودی عرب بشار الاسد کو ایوان اقتدار سے باہر نکالنے کی جدوجہد کرنے والے اپوزیشن جنگجوﺅں کی حمایت جاری رکھے گا۔سعودی عرب کے دورے پر آئے اپنے آسٹرین ہم منصب سباسٹین کورٹز کے ہمراہ پریس کانفرنس سے خطاب کرتے ہوئے عادل الجبیر نے کہا کہ ان کا ملک شام کے مختلف اپوزیشن گروپوں سے رابطے میں ہے۔تاکہ ویانا کے امن مذاکرات سے پہلے وہ سعودی عرب میں اپنا اجلاس منعقد کر کے کسی متفقہ موقف پر پہنچ سکیں۔ڈاکٹر الجبیر نے بتایا کہ فوجی کارروائی کا امکان بدستور موجود ہے اور شامی اپوزیشن کی حمایت اب بھی جاری ہے۔سعودی سفیرنے کہاکہ اگر شامی اپوزیشن گروپوں کی سعودی عرب میں کانفرنس منعقد ہوئی تو اس کا مقصد شامی اپوزیشن کو متحد کرنا اور انہیں ایک موقف پر جمع کرنا ہو گا تاکہ کسی پرامن حل تک پہنچ کر بشار الاسد کا اقتدار ختم کیا جا سکے۔شامی بحران کے حل کی خاطر ویانا میں بین الاقوامی مذاکرات کا ایک لاحاصل دور ہو چکا ہے