ماسکو(نیوزڈیسک)روسی وزارت دفاع نے حال ہی میں شامی اہداف پر اپنے لڑاکا طیاروں کے فضائی حملوں کی ایک ویڈیو جاری کی ہے جس کے بعد روسی فضائی بمباری میں ایرانی لڑاکا طیاروں شرکت کے بارے میں کئی سوالات اٹھائے جا رہے ہیں۔عرب میڈیا کے مطابق ایران کا ملکیتی امریکی ساختہ ایف- ۱4 ٹوم کیٹ انٹرسیپٹر لڑاکا جہاز سات منٹ کی مکمل ویڈیو میں چند سیکنڈز کے لئے نمودار ہوتا ہے، اس کے ہمراہ روسی بمبار طیارے دیکھے جا سکتے ہیں۔ دوسرے کلپ میں جب روسی طیارے شامی اہداف پر فضا سے زمین پر مار کرنے والے میزائل برسانہ شروع کرتے ہیں تو ایرانی لڑاکا طیارہ منظر سے غائب ہو جاتا ہے۔فارسی زبان میں نشریات پیش کرنے والے فرانس ریڈیو کے مطابق ان تصاویر کو اسرائیلی ذرائع ابلاغ سمیت متعدد میڈیا آو¿ٹ لٹس نے شام میں جاری جنگ میں ایرانی فضائیہ کی مداخلت اور شرکت کے ثبوت کے طور پر دکھایا ہے۔