مسقط( این این آئی)پاکستان انڈر 19 کرکٹ ٹیم نے ایشیا ء کپ میں شاندار کارکردگی کا مظاہرہ کرتے ہوئے روایتی حریف بھارت کو شکست دے دی۔

پاکستانی کرکٹر حمزہ ظہور نے بھارت کے خلاف شاندار سنچری سکور کرکے پاکستان کو کامیابی دلائی، بھارت کے خلاف ففٹی کا عزم لے کر میدان میں اترنے والے حمزہ ظہور نے سنچری بنا ڈالی۔دلچسپ بات یہ ہے کہ انہوں نے میچ سے ایک روز قبل پرچی پر لکھا تھا کہ ان شا اللہ کل بھارت کے خلاف 50 رنز بنائوں گا۔

تاہم حمزہ ظہور نے 50 کے بجائے ناقابل شکست 100 رنز کی اننگز کھیلی اور اپنی ٹیم کو فتح سے ہمکنار کرایا۔شاندار کارکردگی پر حمزہ ظہور کو پلیئر آف دی میچ کا ایوارڈ بھی دیا گیا۔