اسلام آباد(این این آئی)حکومت نے پٹرولیم مصنوعات کی قیمتوں میں مزید کمی کردی۔

پٹرولیم ڈویژن کی جانب سے نوٹیفکیشن کے مطابق پٹرول کی قیمت میں ایک روپے 49پیسے جبکہ ہائی سپیڈ ڈیزل کی قیمت میں 2روپے 73پیسے فی لٹر کمی کردی۔قیمتوں میں کمی کے باعث پٹرول کی قیمت 387روپے 54پیسے جبکہ ہائی سپیڈ ڈیزل کی قیمت 402روپے 24پیسے فی لٹر ہوگئی۔نوٹیفکیشن کے مطابق پیٹرولیم مصنوعات کی نئی قیمتوں کا اطلاق رات 12بجے سے(آج) 30ستمبر کیلیے ہوگا۔ پٹرولیم ڈویژن کے مطابق اعلان کردہ قیمتیں عالمی مارکیٹ میں پٹرول اور ڈیزل کی قیمتوں سے منسلک ہیں۔اعلامیے کے مطابق عالمی مارکیٹ میں تبدیلیوں، پلاٹس ریٹس، پریمیم اور دیگر اخراجات کے مطابق پٹرولیم مصنوعات کی قیمتوں میں ردوبدل کیا گیا۔