کراچی (نیوز ڈیسک )مایہ ناز کرکٹ کمنٹیٹر رمیز راجہ نے سابق انگلش کپتان مائیکل وان کی جانب سے پاکستانی ٹیم کی کارکردگی پر شبہات سختی سے مسترد کردیے۔مائیکل وان نے ہونے والے تیسرے ون ڈے کے دوران پاکستان کے حوالے سے کہا تھا کہ تین رن آو¿ٹ اور کچھ مشکوک شاٹس ¾ایسا میں نے پہلے کبھی نہیں دیکھا۔اس کے بعد ایک ٹوئٹ میں وان نے کہاکہ وہ سب شاید سمجھتے ہیں کہ ہم بے وقوف ہیںوان نے کچھ دیر بعد ان ٹوئیٹس کو ڈیلیٹ کردیا تاہم تب تک متعدد افراد سابق انگلش کپتان پر پاکستان سے تعصب رکھنے کا الزام عائد کرچکے تھے۔سیریز میں کمنٹری کررہے رمیز نے وان کی جانب سے اس بیان کو سستی شہرت حاصل کرنے کی کوشش قرار دیا۔رمیز راجہ نے کہا کہ وان کے بیانات انتہائی غیر ذمہ دارانہ تھے اور میرے خیال سے وہ سوشل میڈیا سے منسلک رہنے کے لیے سستی شہرت حاصل کرنا چاہ رہے ہیں۔رمیز نے کہا کہ پاکستان کی رننگ ہمیشہ ہی سے خراب رہی ہے اور ہم سب جانتے ہیں کہ محمد حفیظ اچھے رنز نہیں ہیں ¾ ٹیم دباو¿ پڑنے پر گھبراہٹ کا شکار ہوجاتی ہے، اس میں کچھ نیا نہیں۔تیسرے ون ڈے میچ میں پاکستان نے ٹاس جیت پر پہلے بیٹنگ کی اور ایک موقع پر گرین شرٹس دو وکٹوں کے نقصان پر 132 رنز بناچکے تھے تاہم ناقص بلے بازی کے باعث پوری ٹیم 49.5 اوورز میں 208 رنز بناکر آو¿ٹ ہوگئی۔پاکستان کے تین بلے باز رن آو¿ٹ ہوئے جبکہ کچھ بیٹسمین غیر ذمہ دارانہ شاٹس مار کر بھی آو¿ٹ ہوئے۔انگلینڈ باآسانی میچ چھ وکٹ سے جیت گیا۔انگلینڈ کو سیریز میں اب دو، ایک کی سبقت حاصل ہے ¾ متحدہ عرب امارات میں ایک ون ڈے سیریز میں شکست سے بچنے کے لیے گرین شرٹس کو چوتھے اور آخری ون ڈے میں کامیابی حاصل کرنا ہوگی۔