لاہور(نیوز ڈیسک)پنجاب کے مختلف اضلاع کے 12ہزار سے زائد پولنگ بوتھ جبکہ 3800پولنگ اسٹیشن انتہائی حساس ہونے کا انکشاف ہوا ہے۔ 19 نومبر کو بلدیاتی الیکشن کے دوسرے مرحلے کےلئے 11 ہزار 906 پولنگ اسٹیشن اور 35 ہزار 200 پولنگ بوتھ قائم کئے جائیں گے جبکہ11 ہزار 906 پریذائیڈنگ آفیسر اور 70 ہزار 400 اسسٹنٹ پریذائیڈنگ آفیسر خدمات انجام دینگے۔ذرائع کے مطابق حساس پولنگ اسٹیشنز پر ایلیٹ فورس اور ”انتہائی حساس“ کےلئے فوج کو تعینات کیا جا سکتا ہے۔ الیکشن کمیشن نے تمام متعلقہ اضلاع کے ڈی سی اوز سے حساس پولنگ اسٹیشنز کی تفصیلات طلب کرلی ہے تاکہ ان پولنگ اسٹیشنز پر سکیورٹی کے مناسب اقدامات کئے جاسکیں۔