اسلام آباد (آن لائن) وفاقی وزیر مملکت پانی و بجلی عابد شیر علی نے کہا ہے کہ رانا ثناءاللہ اپنی مونچھوں کا خیال رکھیں اور سیاسی مخالفت میں پارٹی قوانین کی خلاف ورزی نہ کریں ۔ مخالفین پر قتل کے الزامات عائد کرنا پی ٹی آئی کا وطیرہ بن چکا ہے میرے خلاف قتل کا مقدمہ ناانصافی ہے تحقیقاتی آفیسر کے سامنے پیش ہو کر اپنی بے گناہی ثابت کروں گا ۔ ان خیالات کا اظہار انہوں نے الیکشن کمیشن میں پیشی کے بعد میڈیا سے بات چیت کے دوران کیا۔ انہوں نے کہا کہ انتخابی ضابطہ اخلاق کی خلاف ورزی نہیں کی ہے میں نے ورکرز کنونشن میں بطور ورکر شرکت کی تھی الیکشن کمیشن نے تحریری جواب دس نومبر تک داخل کرنے کی ہدایت کی ہے انہوں نے کہا کہ رانا ثناءاللہ سیاسی مخالفت میں اتنے دور نہ جائیں جہاں سے واپسی ممکن نہ ہو ۔ پارٹی کے قوانین کی خلاف ورزی نہ کریں کوینکہ اس سے پارٹی کا اندرونی ماحول خراب ہو سکتا ہے انہوں نے کہا کہ مجھے قب تک قتل کے تین بے بنیاد مقدمات میں ملوث کیا جا چکا ہے جس سے میری سیاسی ساکھ کو نقصان پہنچ رہاہے میں نے تمام صورت حال پارٹی کے قائدین کے سامنے رکھیہے انہوں نے کہا کہ پاکستان تحریک انصاف کا اپنے سیاسی مخالفین اور خصوصاً مسلم لیگ نون پر الزامات عائد کرنے کی عادت بن چکی ہے اپنے خلاف قتل کے مقدمے میں متعلقہ تفتیشی آفیسر کے سامنے پیش ہو کر اپنی بے گناہی ثابت کروں گا انہوں نے کہا کہ الیکشن کمیشن نے ضابطہ اخلاق کی خلاف ورزی پر جواب داخل کرنے کے لئے دس نومبر تک مہلت دی ہے ۔میں نے ورکر کنونشن میں بطور ایک ورکر شرکت کی تو انہوں نے کہا کہ فیصل آباد کا میئر پارٹی کے قائدین کی مرضی سے لایا جائے گا ۔