اسلام آباد (نیوز ڈیسک)کسی بڑے شاپنگ مال، سپر سٹور یادوکان وغیرہ میں موجود تمام پراڈکٹ کی تمام تفصیلات یعنی اس پراڈکٹ کی قیمت خرید، خرچہ اور موجودہ قیمت یاد رکھنا اور کسی بھی پراڈکٹ کا موجودہ سٹاک یاد رکھنا کہ فلاں شے کتنی تعداد میں موجود ہے اور ہر روز کی سیل میں سے منافع الگ کرنا ایک انتہائی مشکل اور پیچیدہ کام ہے لیکن دورحاضر میں کمپیوٹر نے یہ سب ممکن بنا دیا۔اس کام کے لئے کمپیوٹر کے مختلف سوفٹ ویئر موجود ہیںلیکن دنیا بھر میں تیزی سے مقبولیت پانے والے نظام بارکوڈ انونٹوری سسٹم Barcode inventory system کہلاتا ہے۔اس مکمل سسٹم کو سمجھنے کے لئے سب سے پہلے بارکوڈ Barcode کو سمجھنا ہو گاکہ یہ بارکوڈ کیا ہوتا ہے ؟بارکوڈ Barcodeبارکوڈ انسانوں کی جانب سے فرض کردہ ایسی لکیروں یا اشکال کا نام ہے جنہیں لیزر یا کیمرے کی مدد سے پڑھا جا سکے۔آپ نے مختلف مصنوعات پر ایسی لکیریں یا اشکال دیکھی ہونگی انہیں بارکوڈ کہتے ہیں۔یہ بارکوڈ دراصل ایک کمپیوٹر کوڈ کے ذریعے بنائی جاتی ہیںلیکن اب یہ کام بہت آسان ہو چکا ہے۔بارکوڈ بنانے کے لئے Barcode generator سوفٹ ویئرز بن چکے ہیںجو انٹر نیٹ پر مفت میں دستیاب ہیں ،آپ ایک ساتھ سینکڑوں بارکوڈز بنا سکتے ہیں۔یہ بارکوڈ دراصل آپ کی پراڈکٹ کو ایک فرضی نام دیتا ہے، پھر آپ کمپیوٹر میں کوئی بھی انونٹوری سوفٹ ویئر انسٹال کر کے اپنی پراڈکٹ کی تمام تفصیلات (قیمت خرید، خرچہ، موجودہ قیمت، جس سے خریدا گیا وغیرہ) اس سوفٹ ویئر میں ڈال دیں گے۔جب گاہک آپ کی دوکان سے بہت سی اشیا ءخریدے گا تو آپ بارکوڈ سکینر (اس مشین کا تعارف آگے آئے گا)سے بارکوڈ پر لیزر ڈالیں گے تو آپ کا سوفٹ ویئر اس پراڈکٹ کی تمام تفصیلات سامنے لا دیگا۔یہاں یہ بات ذہن نشین کرنا ضروری ہے کہ ان لکیروں میں آپ کی پراڈکٹ سے متعلق کوئی معلومات محفوظ نہیں ہوتی بلکہ پراڈکٹ کی معلومات اس سوفٹ میں آپ خود محفوظ کرتے ہیں جو آپ انونٹوری سسٹم چلانے کے لئے استعمال کر ہے ہیں۔یہ لکیریں محض آپ کی پروڈکٹ کا ایک فرضی نام ہے جسے لیزر یا کیمرہ پڑھ سکتا ہے۔اس تعارف کے بعد اب ہم آپ کو بار کوڈ بنانے سے لیکر پروڈکٹ بیچنے اور منافع، کرنٹ سٹاک وغیرہ تک کی تفصیلات بتاتے ہیں لیکن یہ سب آپ حضرات کی دلچسپی پر ہے۔اگر اس پوسٹ پر اچھے Reply آئے اور مجھے محسوس ہوا کہ میری پوسٹ رائیگاں نہیں گئی تو میں مزید لکھوں گاورنہ اتنا ہی کافی ہے۔