اسلام آباد(نیوز ڈیسک )جدید اور ترقی یافتہ ممالک کے افراد روزانہ 5 گھنٹے اسمارٹ فون کو دیکھتے ہیں اور اس میں ایک تہائی اپنا پورا دن گزار دیتے ہیں۔برطانیہ میں یونیورسٹی آف نوٹنگھم نے 18 سے 33 سال کے 23 افراد کے فون میں ایک ایپ لگا کر ان کے معمولات نوٹ کیے تو معلوم ہوا کہ ہر10 منٹ بعد لوگ فون دیکھتے ہیں اور دن میں 85 مرتبہ اپنا فون چیک کرتے ہیں۔ایپ نے ہر بار یہ بھی نوٹ کیا کہ فون دیکھتے ہوئے کتنا وقت گزارا گیا اور نوٹ کیا گیا کہ لوگ بار بار سمارٹ فون دیکھتے ہیں لیکن کم ترین وقفے کے لیے جو 30 سیکنڈ تک محدود رہتا ہے۔ اس چھوٹی لیکن اہم سٹڈی کے مرکزی مصنف نے اپنی تحقیقات کی تفصیل کرتے ہوئے بتایا کہ ایک جانب تو ہم نے وقت نوٹ کرنے کی ایپ اسمارٹ فون میں شامل کی تو دوسری جانب خود رضاکاروں کو بھی وقت صرف کرنے کے بارے میں نوٹ کرنے کو کہا۔ رپورٹ کے مطابق رات اور صبح کے مقابلے میں دوپہر اور شام کو فون پر ذیادہ وقت گزارا جاتا ہے۔اس مطالعے میں یہ بھی کہا گیا ہے کہ اس وقت دنیا میں 56 فیصد آبادی کے پاس اسمارٹ فون ہیں جب کہ 2018 تک 69 فیصد آبادی کے پاس سمارٹ فون ہوں گے۔ اسی طرح امریکا میں کیریئر کی ایک مشہور ویب سائٹ ’کیریئر بلڈر‘ کے مطابق امریکا میں 25 فیصد ملازمین روزانہ ایک گھنٹہ ذاتی فون ، ای میلز اور ٹیکسٹ میں ضائع کرتے ہیں جو بہت خطرناک عمل ہے۔