لاہو(نیوزڈیسک) انسدادی دہشتگردی کی خصوصی عدالت نے بلدیاتی انتخابات میں پولنگ کے روز گرفتار ہونے والے تحریک انصاف کے رہنماو سابق صوبائی وزیر اشرف سوہنا کے بھائی ،بیٹے اور بھتیجے سمیت 18افراد کو دو روزہ جسمانی ریمانڈ پر پولیس کے حوالے کر دیا ۔اوکاڑہ سٹی کے وارڈ نمبر17چمڑہ منڈی کے پولنگ اسٹیشن میں ہنگامہ آرائی کرنے ،کار سرکار میں مداخلت مسرکاری ملازمین اور پولنگ عملے پر تشدد ،بیلٹ بکس توڑنے ،ووٹ پھاڑنے سمیت دیگر سنگین الزامات کے تحت اشرف خان سوہنا ان کے بیٹے بلال ،بھائی اور بھتیجے سمیت 22افراد کے خلاف تھانہ بی دویژن میں نامزد درج کیا گیا تھا ۔ملزمان کو گزشتہ روز انسداد دہشت گردی لاہور کی عدالت نمبر2میں پیش کیا گیا ۔عدالت کے جج خواجہ ظفر نے اشرف خان سوہناان کے بھائی ،بیٹے ،بھتیجے اور دیگر کارکنان کے کیس کی سماعت کی اور تمام ملزمان کو دو روزہ جسمانی ریمانڈ دیتے ہوئے پولیس کے حوالے کر دیا ۔اس حوالے سے ضلعی پولیس نے اشرف خان اور دیگر ملزمان کی سکیورٹی کے فول پروف انتظامات کر رکھے تھے ۔