اسلام آباد(نیوزدیسک )وفاقی وزیرداخلہ نے ایک اورلعنت کوختم کرنے کاعزم کرلیا۔وفاقی وزیرداخلہ چوہدری نثارعلی خا ن کی خصوصی ہدایات پراے این ایف حکام نے پاکستان کے منشیات اوردیگرسرگرمیوں میں ملوث افرادکوڈی پورٹ کرنے کاسلسلہ شروع کردیاہے ۔ وزیرداخلہ کے ان احکامات کی روشنی میں ایک سال میں ڈیڑھ سوغیرملکیوں کواسلام آباد سے ڈی پورٹ کیاگیا ہے جس میں وسطی ایشیائی ریاستوںکی 50 سے زائد خواتین بھی شامل ہیں۔ آن لائن کے مطابق ذرائع کا کہنا ہے کہ اسلام آبادائیرپورٹ پردو درجن سے زائد غیرملکیوں کو منشیات اسمگل کے الزام میں گرفتار کر کے نارکو ٹیکس کے تھانوں میں انکے خلاف مقدمات درج کئے گئے جن میں نائیجیریا اور افریقی ریاستوں کے شہری شامل تھے۔ ذرائع کا کہنا ہے کہ جن ممالک کے ساتھ ملزمان کی حوالگی کے معاہدے ہیں ان کے پکڑے گئے شہریوںکو ڈی پورٹ کر کے واپس بھجوایا گیا ہے۔ذرائع نے مزید بتایایہ وزیرداخلہ چوہدری نثار علی خان کی جانب سے سخت نوٹس کے نتیجے میں وسطی ایشیائی ریاستوں سے وزٹ ویزوں پرپاکستا ن آکرجسم فروشی کر نے والی 35 سے زائد خواتین کو ایک وقت میں پکڑ کر ڈی پورٹ کیا گیا جب کہ 15 خواتین کو اس کے بعد اپنے ملکوں کے حوالے کیا گیا۔