نئی دہلی (این این آئی)بھارت اور متحدہ عرب امارات کے درمیان دفاع، توانائی اور سرمایہ کاری کے اہم معاہدے طے پا گئے۔

غیر ملکی میڈیا کے مطابق بھارتی وزیرِ اعظم نریندر مودی کے دورہ متحدہ عرب امارات کے موقع پر دونوں حکومتوں نے اسٹریٹجک دفاعی تعاون اور تیل کے ذخائر سے متعلق معاہدے کیے ہیں۔بھارت اور امارات کے درمیان مائع پیٹرولیم گیس کی فراہمی پر بھی مفاہمت طے پا گئی۔بھارتی حکام کے مطابق عرب امارات بھارتی انفرااسٹرکچر، آر بی ایل بینک اور سمن کیپیٹل میں 5 ارب کی سرمایہ کاری کرے گا۔

بھارتی وزارتِ خارجہ کا کہنا تھا کہ بھارت اور متحدہ عرب امارات کے درمیان ایل این جی اور ایل پی جی ذخیرہ کرنے کی سہولتوں سے متعلق بھی معاہدہ طے پایا ہے۔بھارت کی آئی ایس آر پی ایل اور یو اے ای کی اے ڈی این او سی کمپنی نے بھی تیل کے شعبے میں تعاون کے معاہدے پر دستخط کیے ہیں۔