اسلام آباد (نیوز ڈیسک) — جیو نیوز نے اپنے ناظرین کو مطلع کیا ہے کہ چینل کی نشریات گزشتہ 24 گھنٹوں سے تکنیکی مداخلت کا شکار ہیں۔

انتظامیہ کے مطابق نامعلوم عناصر کی جانب سے چینل کو ہیک کرنے اور نشریات میں خلل ڈالنے کی کوششیں کی جا رہی ہیں۔چینل کا کہنا ہے کہ جیو نیوز پاکستان کے سیٹلائٹ پاک سیٹ کے ذریعے نشر ہوتا ہے، تاہم حالیہ مداخلت کے باعث اسکرین پر نامناسب پیغام بھی چلایا گیا، جس کا ادارے سے کوئی تعلق نہیں۔جیو نیوز کی انتظامیہ نے متعلقہ حکام سے مطالبہ کیا ہے کہ اس معاملے کا فوری نوٹس لیا جائے، ذمہ دار عناصر کے خلاف کارروائی کی جائے اور نشریات کو معمول پر لانے کے لیے مؤثر اقدامات کیے جائیں۔