انقرہ(این این آئی)ترکیہ کے دارالحکومت انقرہ میں جیل سے رہا ہوتے ہی بیٹے نے ماں، بیوی اور بیٹی کو قتل کر دیا۔

غیر ملکی میڈیا کے مطابق 35سالہ ملزم 11دن کیلئے پیرول پر رہا ہوا تھا جس کے بعد اس نے فائرنگ کر کے اپنی والدہ، بیوی اور 8سالہ بیٹی کو قتل کر دیا، ملزم دھوکا دہی اور مسلح ہو کر دھمکیاں دینے کی وجہ سے جیل میں سزا کاٹ رہا تھا۔ملزم نے پہلے اپنی والدہ کو اور پھر اپنی بیٹی کو قتل کیا جس کے بعد وہ اپنی بیوی کے گھر گیا، جو اس سے خلع لینا چاہتی تھی، اور پھر اسے بھی قتل کر دیا، ان تینوں افراد کو قتل کرنے کے بعد ملزم نے خودکشی کر لی۔پولیس کے مطابق لاشوں کو تحویل میں لے کر مزید قانونی کارروائی کی جا رہی ہے۔