اسلام آباد (نیوز ڈ یسک) ڈرگ ٹیسٹنگ لیبارٹریز پنجاب نے بعض انجیکشنز کے مخصوص بیچز کو انسانی صحت کے لیے غیر محفوظ قرار دیتے ہوئے ان کی خرید و فروخت پر فوری پابندی عائد کر دی ہے اور مارکیٹ سے واپس منگوانے کا نوٹس جاری کیا ہے۔

میڈیا رپورٹس کے مطابق جاری کیے گئے الرٹ میں متعلقہ انجیکشنز کے بیچ نمبرز واضح طور پر درج ہیں۔ ہدایت کی گئی ہے کہ اگر یہ ادویات ڈسٹری بیوٹرز، ہول سیلرز، میڈیکل اسٹورز یا ویٹرنری اداروں کے پاس موجود ہوں تو انہیں بلا تاخیر تیار کرنے والی کمپنی کے حوالے کیا جائے۔محکمہ صحت کے حکام نے شہریوں کو خبردار کیا ہے کہ ان انجیکشنز کا استعمال فی الفور روک دیا جائے کیونکہ ان سے صحت کو شدید نقصان پہنچنے کا اندیشہ ہے۔ اس کے ساتھ ہی متعلقہ دوا ساز کمپنی کو بھی پابند کیا گیا ہے کہ وہ ان مصنوعات کی سپلائی فوری طور پر معطل کرے اور مارکیٹ میں موجود تمام مشکوک بیچز واپس حاصل کرے۔