پشاور(نیوزڈیسک)پاکستان اورافغانستان کے مختلف حصوں میں شدید زلزلے کے بعدلاپتہ افراد کی تلاش کے لئے دنیا کے سب سے بڑے سرچ انجن گوگل نے سروس شروع کردی ہے،گوگل کی جانب سے جاری ہونے والے بیان کے مطابق لاپتہ افرادکی تلاش کے لئے شروع کی گئی اس سروس میں کوئی بھی شخص کسی بھی مقام سے لاپتہ ہونے والے کے بارے میں بتا سکتا ہے،اسی طرح زلزلے کے بعد لاپتہ ہونے والا بھی اپنے بارے میں گوگل پراطلاع دے سکتا ہے،اس سلسلے میں اکٹھا ہونے والا تما م ڈیٹا دنیا بھرمیں ہرکسی کی رسائی میں ہوگااورزلزلے کے بعد لاپتہ ہونے والوں کو اپنے پیاروں سے ملانے کا ذریعہ بنے گا،گوگل نے یہ سروس سب سے پہلے دوہزاردس میں ہیٹی میں آنے والے زلزلے کے بعد شروع کی،اس کے بعد دوہزارپندرہ میں مقبوضہ کشمیراورنیپال میں آنے والے زلزلوں کے دوران بھی گوگل نے یہ سروس شروع کی تھی۔