واشنگٹن (این این آئی)امریکی صدر ڈونلڈ ٹرمپ نے کہا ہے کہ ایران بات چیت کرنا چاہتا ہے ہم بھی بات چیت کے لیے تیار ہیں، ساتھ ہی صدر ٹرمپ نے اعلان کیا کہ ایران کی طرف بڑی فورس بھیجی جا رہی ہے۔صدر ٹرمپ نے کہا کہ امریکی فوجی اثاثے مشرق وسطی منتقل ہو رہے ہیں۔امریکی صدر کا کہنا تھا کہ گرین لینڈ کی سیکیورٹی پر نیٹو کے ساتھ مل کر کام کریں گے۔
انہوں نے مزید کہا کہ گرین لینڈ فریم ورک معاہدے پر پیش رفت کے لیے ماحول مثبت ہے۔ٹرمپ نے بتایا کہ اپریل میں چین کا دورہ کریں گے، سال کیاختتام پر چینی صدر امریکا آئیں گے۔ امرکی صدر کا کہنا تھا کہ زیلنسکی اور پیوٹن دونوں معاہدہ کرنا چاہتے ہیں، جلد معلوم ہو جائے گا۔
