اسلام آباد (نیوز ڈیسک) بھارت اور متحدہ عرب امارات کے درمیان دفاع، تجارت اور ایل این جی کے شعبوں میں اہم معاہدوں کو حتمی شکل دے دی گئی ہے۔ بدھ کے روز متحدہ عرب امارات کے صدر شیخ محمد بن زاید النہیان ایک مختصر دورے پر بھارت پہنچے، جہاں بھارتی وزیراعظم نریندر مودی نے ان کا خیرمقدم کیا۔بھارتی وزارتِ خارجہ کے مطابق نئی دہلی میں ہونے والی ملاقات کے دوران دونوں رہنماؤں نے دوطرفہ دفاعی تعاون، تجارتی شراکت داری اور توانائی کے شعبے میں تعاون پر اتفاق کیا۔

اس ملاقات میں طے پایا کہ آئندہ چھ برسوں میں بھارت اور یو اے ای کے درمیان باہمی تجارت کا حجم بڑھا کر 200 ارب ڈالر تک لے جایا جائے گا۔وزارتِ خارجہ نے مزید بتایا کہ متحدہ عرب امارات سے بھارت کو سالانہ 5 لاکھ میٹرک ٹن ایل این جی کی فراہمی کے لیے 10 سالہ معاہدے پر بھی دستخط کیے گئے ہیں۔ رپورٹ کے مطابق دونوں ممالک کی قیادت نے دفاعی تعلقات کو مضبوط بنانے اور تجارتی روابط کو مزید وسعت دینے کے عزم کا اظہار کیا۔