واشنگٹن (این این آئی)امریکی صدر ڈونلڈ ٹرمپ نے ایک سوشل میڈیا پوسٹ میں خود کو وینزویلا کا عبوری صدر قرار دے دیا۔ غیرملکی خبررساں ادارے کے مطابق یہ پوسٹ سوشل میڈیا پلیٹ فارم دی ٹروتھ پر شیئر کی گئی جس میں ایک ترمیم شدہ تصویر شامل ہے۔یہ تصویر ویکیپیڈیا طرز کے صفحے کی شکل میں ہے جس پر ٹرمپ کا سرکاری پورٹریٹ اور Incumbent January 2026 درج ہے۔یہ دعوی ایسے وقت میں سامنے آیا ہے جب چند روز قبل ہی امریکا نے وینزویلا کے صدر نکولس مادورو کو گرفتار کرکے نیویارک منتقل کیا جہاں ان پر منشیات اسمگلنگ اور دہشت گردی کے الزامات عائد کیے گئے ہیں۔