اسلام آباد (نیوز ڈ یسک)ترکی میں غیر قانونی مہاجرین کے خلاف گزشتہ ایک برس کے دوران کارروائیوں میں نمایاں اضافہ دیکھا گیا، جس کے نتیجے میں ایک لاکھ 52 ہزار سے زیادہ افراد کو تحویل میں لیا گیا۔ترک مائیگریشن اتھارٹی کی جانب سے جاری کردہ رپورٹ کے مطابق حراست میں لیے جانے والوں میں افغان شہریوں کی تعداد سب سے زیادہ رہی، جو 42 ہزار سے تجاوز کر گئی۔ افغان باشندوں کے بعد شامی شہری دوسرے نمبر پر رہے، جب کہ ازبکستان، ترکمانستان اور ایران سے تعلق رکھنے والے غیر قانونی تارکین وطن بھی بڑی تعداد میں پکڑے گئے۔

تاہم سرکاری اعداد و شمار سے یہ بھی ظاہر ہوتا ہے کہ 2025 میں غیر قانونی مہاجرین کے خلاف کارروائیوں میں مجموعی طور پر کمی آئی ہے۔ گزشتہ برس 2024 کے دوران ترکی کے مختلف علاقوں میں دو لاکھ 25 ہزار سے زائد غیر قانونی تارکین وطن کو حراست میں لیا گیا تھا، جو رواں سال کے مقابلے میں کہیں زیادہ تعداد تھی۔