دبئی — متحدہ عرب امارات میں قومی دن کے موقع پر دو عام تعطیلات کا اعلان کیا گیا ہے، جس کے نتیجے میں شہریوں کو چار دن کی مسلسل چھٹیاں ملیں گی۔عرب میڈیا کے مطابق، یو اے ای کا قومی دن یکم اور دو دسمبر کو منایا جائے گا، جس کے لیے حکومت نے شاندار تقریبات اور بھرپور انتظامات کیے ہیں۔ اس موقع پر حکومت نے یکم اور دو دسمبر کو سرکاری سطح پر عام تعطیل کا اعلان کیا ہے، جبکہ وفاقی وزارتوں اور سرکاری اداروں کے دفاتر چار دن تک بند رہیں گے۔

رپورٹ میں بتایا گیا ہے کہ یو اے ای میں ہفتہ اور اتوار کی چھٹیاں معمول کے مطابق ہوتی ہیں، اور یکم و دو دسمبر کی تعطیلات پیر اور منگل کو آئیں گی، جس سے شہری چار دن کی مسلسل چھٹیاں انجوائے کر سکیں گے۔وزارت تعلیم نے بھی سرکاری اور نجی سکولوں میں یکم اور دو دسمبر کو تعطیل کا اعلان کیا ہے۔ یاد رہے کہ گزشتہ سال حکومت نے سرکاری اور نجی شعبے کے لیے تعطیلات کا باقاعدہ شیڈول جاری کیا تھا، جس میں عیدالفطر، عیدالاضحی، یوم عرفہ، نیا ہجری سال، 12 ربیع الاول، یو اے ای کا قومی دن اور سال نو شامل ہیں۔