واشنگٹن — وائٹ ہاؤس کے قریب نیشنل گارڈز کے دو اہلکاروں پر فائرنگ کے واقعے کے بعد امریکی حکومت نے افغان شہریوں کی تمام امیگریشن درخواستوں پر غیر معینہ مدت کے لیے کارروائی روک دی ہے۔قومی اخبار کی رپورٹ کے مطابق حملہ آور کو افغان شہری کے طور پر شناخت کیا گیا ہے، جس نے اپنے ملک میں امریکی افواج کے ساتھ کام کیا تھا۔ امریکی شہریت اور امیگریشن سروسز نے بدھ کے روز اعلان کیا کہ سکیورٹی وجوہات اور تحقیقات کے جائزے تک یہ کارروائی مؤخر کی گئی ہے۔

یہ فیصلہ اس وقت سامنے آیا جب صدر ڈونلڈ ٹرمپ نے اپنی انتظامیہ کو ہدایت دی کہ وہ پچھلی انتظامیہ کے دوران امریکا میں آنے والے تمام افغان شہریوں کے کیسز کا دوبارہ جائزہ لیں۔ ایجنسی نے اپنے بیان میں کہا کہ “ہمارا واحد مقصد اور مشن ہمارے وطن اور امریکی عوام کی حفاظت اور سلامتی کو یقینی بنانا ہے۔”