لاہور (نیوز ڈیسک) غیر ملکی خبر رساں ادارے کی رپورٹ کے مطابق گدھوں پر کی گئی ایک تحقیق میں یہ بات سامنے آئی ہے کہ گدھ کے معدے میں گیسٹرک ایسڈ کی زیادہ مقدار اسے مردار کے گوشت کو ہضم کرنے اور جراثیموں اور وائرس سے بیماریاں لاحق ہونے سے تحفظ فراہم کرکے اس کے جسمانی مدافعتی نظام کو مضبوط بناتا ہے۔
رپورٹ کے مطابق یہ پرندہ جینیاتی طور پر وہ ایک قدرتی نظام کے حامل ہوتا ہے جس کی وجہ سے اس کا معدہ انتہائی مضبوط اور مدافعتی نظام غیر معمولی ہوتا ہے۔ یہی وجہ ہے کہ وہ ایسا گندہ اور سڑا ہوا گوشت کھاتے چلے جاتے ہیں۔ یہ ایسا گلا سڑا گوشت بھی کھا سکتے ہیں جو ایتھریکس جیسی بیماری کا باعث ہو سکتا ہے۔ سیاہ گدھ دنیا کے سب سے مضبوط معدے کے حامل ہوتے ہیں۔ ان کے معدے میں شدید تیزابیت ہوتی ہے جو ہڈیاں حتیٰ کے دھاتوں کو بھی پگھلا سکتی ہے۔