اسلام آباد(نیوز ڈیسک ) ماہرینِ فلکیات نے انسانی تاریخ کی سب سے بڑی آسمانی تصویر جاری کردی ہے جس میں ہماری کہکشاں ملکی وے کو نہایت واضح طور پر دیکھا جاسکتا ہے۔
196 گیگا بائٹس کی اس تصویر میں 46 ارب پکسل ہیں جس میں کہکشاں کے ہزاروں اجرام، ستاروں اور دیگر مظاہر کو دیکھا جاسکتا ہے۔ جرمنی کی ر±ہر بوشم یونیورسٹی کی جانب سے پروفیسر رولف شینی اور ان کے ساتھیوں نے سیکڑوں تفصیلی تصاویر کو جوڑ کر یہ منظر تیار کیا ہے اور اس کا ڈیٹا 5 سال میں جمع کیا گیا ہے۔ بوشم کے ماہرین نے کہکشاں کی ہراس شے کی تصویر لی ہے جو روشن اور ضروری تھی اور ان تصاویر کو جوڑ کر ایک تصویری کیٹلاگ تیار کیا ہے جب کہ اس تصویر میں ا?پ 50 ہزار اجسام کو دیکھ سکتے ہیں جو نہایت اہمیت کے حامل ہیں۔ماہرین کی ٹیم نے 268 حصوں کو جوڑا ہے اور جب یہ تصویر مکمل ہوئی تو اس کا ڈیٹا 194 گیگا بائٹس سے زیادہ تھا۔ تصویروں کو واضح کرنے کے لیے پوسٹ پروڈکشن کام کیا گیا اور انہیں فلٹر سے گزارا گیا ہے جس میں کئی سو گھنٹے لگتے ہیں۔ اس تصویر کو ا?ن لائن ٹول کے طور پر پیش کردیا گیا ہے جہاں مختلف اہم اجرام کو سرچ کرکے زوم کرکے دیکھا جاسکتا ہے۔